Tuesday, 13 October 2020

கண்ணீர்!

 பெண்ணின் முந்தானைக்குள்ளும்

ஆணின் புன்னகைக்குள்ளும்

புதைந்து போவதுண்டு.!


#கண்ணீர்

Monday, 10 August 2020

புதைந்த நினைவுகளைத் தோண்டும் புகைப்படங்கள்..!

 காற்றில் கலந்திட்ட உன்னை

கவிதையில் ஒளிந்திட்ட உன்னை

ஸ்பரிசத்தில் நிறைந்திட்ட உன்னை

கரும்பில் கரைந்திட்ட உன்னை

உணர்வில் உறைந்திட்ட உன்னை 

புகைத்தில் எங்கே தேடுவேன் உன்னை.!



Tuesday, 4 August 2020

அனுமதி.!

மரணம்
தன்னை சந்திக்க
இறைவன் தரும் அனுமதி.!

Monday, 3 August 2020

கவலைப்படாதிரு...

இறைவன்
விதித்த ஒன்று
விலாசம் மாறி போவதில்லை .!



Thursday, 30 July 2020

ஒளியும் மனிதர்களும்,உலா வரும் மிருகங்களும்.!


சிங்கங்கள் தன் கர்ஜனையை மறந்ததினால்
ஓநாய்கள் ஊளையிடுகிறது

மயில்கள் தோகையை விரிக்காததினால்
வான்கோழிகள் நடனத்தை தொடங்கி விடுகிறது

பள்ளங்கள் தனக்காக பங்கை கேட்காததினால்
மேடுகள் நாட்டமை செய்ய ஆரம்பித்து விடுகிறது

புலிகள் பாய்ச்சலை நிறுத்தியதினால்
வெள்ளாடுகள் வியாக்கியானம் பேசுகிறது

அதுப்போலத்தான்
நீதியை பேசாது மனிதர்கள் ஒளிந்ததினால்தான்

மிருகங்கள் உலா வருகிறது.!

பிரார்த்தனை .!

ஏதோ ஒரு ஏழையின் பிரார்த்தனைக்குள்
புதைந்துக் கொள்ள பார்க்கிறேன்
அந்த பிரார்த்தனை
இறைவனின் கோபத்திலிருந்து
என்னை பாதுகாக்கும் என்ற நம்பிக்கையில்..

Friday, 24 July 2020

மூச்சில் அணையும் மெழுகுவர்த்திகள் .!

பொட்டல் காடு என்னை
உன் முத்த மழையில் குளிர்வித்து
காதல் பார்வையில் என்னை
தின்று தீர்த்து விட்டு
பட்டும்படாத ஓர் அணைப்பில்
ஆமாம் 
பட்டும்படாத ஓர் மெல்லிய அணைப்பில்
கழுத்தோர உன் மூச்சு காற்றால்

என்னுள் எரியும் தாகத்தை அணை.!