சீனி கவிதை....

Wednesday, 25 March 2015

திரும்ப திரும்ப

யோசிக்கிறேன்!

நீ !திரும்பாமல்

என்னைப் பார்ப்பது

எப்படியென்று..!!

உன் நேசமெனும் கடல்தனை

சருகினில் அமர்ந்துக்கொண்டு

சுற்றி வர விரும்பும்

சித்தெறும்பு நான்!

நிறைய காதல்

கொஞ்சனூண்டு காமம் கலந்து

உனக்காக செய்யப்பட்ட

காதல் தேநீர் நான்!

பேரின்பதிற்கும்

பெருந்துயரத்திற்கும்

மாற்று வார்த்தை

என்னிடம் கேட்கப்பட்டால்!

சட்டென்று சொல்வேன்

உனது பெயரை..!!

யாருக்கும் விளங்கிடாத

உனக்கு மட்டும் புரிந்திடும்

புதுக்கவிதை நான்!

ஆண்கிளி நீயென்றால்

கழுத்தின் கோடு நானல்லவா..!?

முக ஒப்பனையை விரும்பாத

என்னை

சிலர் எள்ளிநகையாடுகிறார்கள்!

அவர்களுக்கு எப்படி

விளங்க வைப்பேன்!!?

முகத்தில் மச்சமாக இருக்கும்

உன்னை மறைக்க விருப்பமில்லையென்பதை!