சீனி கவிதை....

Tuesday, 31 March 2015

அழுவதிலும்

ஆனந்தம்தான்!

உன்

உள்ளங்கையில்

முகம் புதைத்து அழுதால்!

மேகமாக

நீயிருந்தாலும்!

பூமி என் மீது

பொழியந்திடத்தானே வேண்டும்!

வானமாக நீயும்

பூமியாக நானும்

இருந்தாலென்ன .!?

உன்னைப் பார்த்துக்கொண்டிருக்கும்

வரமொன்றே போதும்

எனக்கு.!

திரும்ப திரும்ப

யோசிக்கிறேன்!

நீ !திரும்பாமல்

என்னைப் பார்ப்பது

எப்படியென்று..!!

உன் நேசமெனும் கடல்தனை

சருகினில் அமர்ந்துக்கொண்டு

சுற்றி வர விரும்பும்

சித்தெறும்பு நான்!

நிறைய காதல்

கொஞ்சனூண்டு காமம் கலந்து

உனக்காக செய்யப்பட்ட

காதல் தேநீர் நான்!

பேரின்பதிற்கும்

பெருந்துயரத்திற்கும்

மாற்று வார்த்தை

என்னிடம் கேட்கப்பட்டால்!

சட்டென்று சொல்வேன்

உனது பெயரை..!!