Tuesday, 13 February 2018

வார்த்தைச் செலவு..!

"கவனமுடன் செலவு செய்யப்பட வேண்டியது  உழைத்த பணம் மட்டுமல்ல ,பேசிடப்போகும் வார்த்தைகளும் தான்"


   

Sunday, 11 February 2018

நிரப்பு..

"உள்ளங்களை நறுமணங்களைக் கொண்டு   நிரப்பிடா விட்டால்,நாற்றங்கள் ஊற்றெடுக்க ஆரம்பித்து விடுகிறது "


    

Thursday, 8 February 2018

நட்பும் காதலும்!

காசும் பணமும்  வரும் போகும்
இரவும் பகலும் வரும் போகும்
குழந்தைத்தனமும் இளமைக்காலமும் வரும் போகும்
கோடையும் மழையும் வரும் போகும்
நிழலும் வெயிலும் வரும் போகும்

ஆனால்
நட்பும் காதலும் வரும் போகாது
நமக்குள்ளேயே தங்கி விடுகிறது!



Monday, 29 January 2018

சிரிக்காதே.!

என் எழுத்திற்கு பின்னால்
நான் ஒளிந்திற்பதாக எண்ணி
கைக் கொட்டி சிரிக்காதீர்கள்
பல நேரங்களில்
உங்களையும் அவ்வெழுத்திற்குள் 
புதைத்தும் வைத்திருக்கிறேன்!

Wednesday, 29 November 2017

ஹாதியா..!

சகோதரி ஹாதியாவே.....

உனது மொழி எனக்குத் தெரியாது
உனது வலி எனக்குப் புரியும்!

உனது உறைவிடம் எனக்குத் தெரியாது
உனது உணர்வு எனக்குப் புரியும்!

உனது காயங்கள் எனக்குத் தெரியாது
உனது கண்ணீர் எனக்குப் புரியும்!

நீயும் நானும் ரத்த உறவுகளல்ல
அதனால் என்ன
நாம் ஈமானிய உறவுகள்!

நீ வடித்த கண்ணீர் 
நீ அறியாதவர்களை கலங்கச் செய்து விட்டது!

உனது கதறல்
சஜ்தாவில் விழ வைத்து விட்டது!

நீ வெற்றி அடைந்து விட்டாய்!

ஆம்
வரலாறுகளை படித்தவர்களுக்கு 
வரலாறாய் தெரிகிறாய்..!





Sunday, 19 November 2017

வாசி..!!

வாசிப்பு ஒரு சிறுப்பொறி ,அது சிந்தனைத் தீயை பற்ற வைப்பதினால்!

வாசிப்பு ஒரு தாய்மடி,அது சோகத்தின் போதெல்லாம் தலைக்கோதி விடுவதினால்!

வாசிப்பு ஒரு கலங்கரைவிளக்கம் ,அது குழப்ப இருளின்போது வெளிச்சமாய் தெரிவதினால்!

வாசிப்பு ஒரு ஆசை முத்தம்,அது நினைக்கும் போதெல்லாம். இனிப்பதினால்!

வாசிப்பு ஒரு உளி,அது மனதினை செதுக்குவதினால்!

வாசிப்பு ஒரு கோடை மழை,அது வறண்டுப்போன நெஞ்சத்தை குளிர்விக்க செய்வதினால்!

ஆதலால்
வாசி வாசி!

கொஞ்சம் உன்னையாவது
நீ நேசிப்பாய்!






Monday, 6 November 2017

சொத்து..!

திங்காம உங்காம
சக்காத்தும் கொடுக்காம
சேத்து வைக்கும் சொத்துகளெல்லாம்
தான் செத்த பெறகு
தன் புள்ளைங்க அடிச்சிக்கிட்டு 
சாகத்தான்!