இலவசங்களை விட....

புத்தக வாசமே-
தெரியாத அப்பனுக்கு!

பேருக்கு பின்னால்-
"பட்டம்" போட-
ஆசை மகனுக்கு!

முட்டி மோதியாவது-
குடும்ப சுமையை-
குறைக்க ஆசை-
"பட்டதாரிக்கு"!

தேவை படத்தான்-
இல்லை- இவன்
வேலைக்கு!

எத்தனையோ பேரு-
தள்ள பட்டிருக்கான்-
இந்த நிலைக்கு!

இதை பத்தியெல்லாம்-
கவலையேது?-
நம் அரசுகளுக்கு!

கூட்டணியில சொல்லியும்-
ஆட்சி கவிழும் நிலை-
வந்தும்-அனுமதி
அணு ஆயுத ஒப்பந்தத்துக்கு!

அழிவை தரும் என-
தெரிந்தும்-ஆதரவு-
கூடங்குளத்துக்கு!

தென்னை மரத்துல-
தேள் கொட்டுனால்-
பனை மரத்தில்-
நெரி கட்டுமா?

அயல் நாட்டுக்காரன்-
"அள்ளி" கட்டவும்-
நம் மக்கள்-
அழியவும்-இந்த
ஒப்பந்தமா!?

சொந்த நாட்டு-
மக்களின் நிலையாவது -
விடியுமா!,?

மண்டல்-
கமிசன்-
சொன்னது!

ரங்கநாத்-
கமிசன்-
சொன்னது!

சச்சார் -
கமிசன்-
சொன்னது!

அனைத்து மக்களுக்கும்-
சம நீதி-
இட ஒதுக்கீடு!

அரசுகள்-
ஏன் கண்டுக்க -
மாட்டேங்குது!?

இதுக்குத்தானா-
மக்கள் வரி பணத்தை-
அழித்தது!?

யாசகம்-
கொடுப்பதை விட-
கோடாலி கொடுப்பது-
மேல்-நல்லோர் மொழி!

மீன் கொடுப்பதை-
விட-தூண்டில்
கொடுப்பது மேல்-
சீன பழமொழி!

இலவசம் எனும்-
பிச்சையை விட-
மானத்தோட-வாழ
இட ஒதுக்கீடு-
அளி!

அவரவர் இஷ்டத்துக்கு -
"புத்தாண்டை "மாற்ற-
முடியுது!

இட ஒதுக்கீடு-
தர ஏன்-
கசக்குது!?

இந்தியா-
ஒரு பூந்தோட்டம்-
நேரு சொன்னது!

"பூந்தோட்டம்"-
கருகினால் என்ன?-
என- எண்ணுபவர்கள்-
ஆளும் காலமோ-
இது!?

( இந்த கவிதை இட ஒதுக்கீடுக்கு
போராடும்-அமைப்புகள்-மனித உரிமை ஆர்வலர்கள்- நடுநிலையாளர்கள்-
எழுத்தாளர்கள்-அனைவருக்கும்-
சமர்ப்பணம்)