கருணை.!

 இறைவா.!

உனது கருணையையன்றி

வேறெது

என்னை கரை சேர்க்க போகிறது.!?

இறைவா..

 வெறுமை நிறைந்த

உள்ளத்தில்

வசந்தத்தை நுழைவித்தாய்

எங்களிறைவா.!!

படைத்தவனே..

 பாசிசம்

என்ன செய்து விடும்!?

படைத்தவனே 

உன் துணையிருக்க.!

அதிபதி.!

 அதிகார பீடங்கள் ஆடும்போதெல்லாம்

அகிலத்தின் அதிபதியோ

புன்னகைக்கிறான்..

கலப்பு.!

 இரண்டற கலந்திட்டப்போது

இதழின் மென்மையென்ன

முள்ளின் வன்மையென்ன!?

கண்ணாடி.!

 அது சரியில்ல

இது சரியில்ல

எதுவும் சரியில்ல என

பிதற்றிக் கொண்டே இருக்கிறான்

தன்னை இன்னும் கண்ணாடியில்

பார்க்காதவன்.!

நம்பிக்கை.!

 மௌனத்தினுள்

என்னைத் தேடிக் கொண்டிருப்பதெல்லாம்

ஏதோவொரு கணத்தில்

என்னை கண்டடைந்து விடுவேனென்ற

நம்பிக்கையில்தான்..!