வெளிச்ச ஆடையை களைந்து விட்டு
கருப்பு நிற ஆடையை அணிய ஆயத்தமான வானம் !
ஒளிக்கீற்றுகள்!
கொலுசுக்கட்டி நடந்திடும் நீரோடை!
பச்சைப் போர்வையை போர்த்திக் கொண்ட மலைகள்!
பசியோடு பறந்து சென்று வயிறு நிறைந்து
கூடு திரும்பும் பறவைகள்!
காற்றுடன் காதல் பேசும் பூக்கள்!
பூவிதழில் தேன் குடித்துக்கொண்டே சிறகசைக்கும்
பட்டாம்பூச்சிகள் !
இப்படியான காட்சிகளை கவிதைகளாக
காணும்
இத்தருணத்தில் தகித்துதான் போகிறேன்!
பிடித்தமான ஒரு கவிதைப் புத்தகத்தினை
பிரித்து படிக்கவா !?
இல்லை!
பிரியமானவளே உன்னை நினைத்து
ஓர் கவிதை எழுதிடவா !? என்று!
No comments:
Post a Comment